Rada Duszpasterska parafii św. Polikarpa wraz z ZK-P O/Chwaszczyno zapraszają sympatyków regionu do uczestnictwa w mszy św. z liturgią częściowo w j.kaszubskim 19.11.2017 r. o godz. 18.00, w czasie której oprawę muzyczną zapewni zespół regionalny Kaszubki z Chwaszczyna, który wystąpi w strojach ludowych.
Mòdlëtwa wiérnëch 19.11.2017
1. Chcemë sã mòdlëc za Òjca Swiãtégò Franciszka, biskùpów i całé dëchòwieństwò, żebë nieslë Ewanielã mòcą Dëcha Swiãtégò. Më Was prosymë! 2. Chcemë sã mòdlëc za wszëtczich chrzescëjanów, żebë mielë òdwôgã swiadczëc ò prôwdzë w kòżdi sytuacji żëcô. Më Was prosymë! 3. Chcemë sã mòdlëc ò chùtką beatifikacjã kardinała 1000 lecia Sztëfana Wëszińsczégò i biskùpa Kónstantina Dominika, żebë swiadectwò jich żëcô bëło dlô nas szkòłą służbë Bògù i człowiekòwi. Më Was prosymë! 4.Chcemë sã mòdlëc za wszëtczich Kaszëbów, żebë strzeglë swòji tożsamòscë, pògłãbiwelë znajomòsc swòjégò jãzëka i trzimelë wiedno z Bògã. Më Was prosymë! 5. Chcemë sã mòdlëc za pòmòrdowónëch òbczas wòjnë w Piôsznicë, żebë jich cerpienié i òfiara żëcégò przënôsza bëlny brzôd, a jich wstawiennictwò wëprôszało naszi òjczëznie Bòżé łasczi. Më Was prosymë! 6.Pòlécómë Wóm, Bòże, ùmarłich wiôldżich Kaszëbów: prof. Gerarda Labùdã, pisôrza Sztefana Fikùsa ,pòetë i red. Jerzégò Dąbrowã Januszewsczégò , prof. Brunona Synaka, prof. Jerzégò Tredera, pisôrza i red. Stanisława Pestkã , dzejôrza Mariana Hirsza , prof. Edwarda Brezã, Jerzégò Walkusza z Hopowa. Dobri Panie, przëjimcë jich do chwałë wiecznégò żëcégò. Më Was prosymë! 7. Chcemë sã mòdlëc za nas samëch, żebë më z wiôlgą wiarą i nôdzeją żdelë na Wasze przindzenié. Më Was prosymë! |